Англиянинг «Борнмут» клуби ҳужумчиси Жастин Клюйверт Европа Лигаси умумий босқич 3-тури доирасида Италиянинг «Милан» жамоасига қарши ўйин (3:0) таассуротлари билан ўртоқлашди. Клюйверт ўйиндаги биринчи голга (пеналтидан) муаллифлик қилди.
«Бу ғалаба биз учун жуда аҳамиятли. Бу баҳсга биз 2 та ўйинда ғалаба қозонган ҳолда етиб келдик, бу эса бизга қўшимча куч, ўзимизга ишонч бағишлади. Кимга қарши ўйнашимизнинг аҳамияти йўқ, биз ўз кучимизга ишонамиз. Биз нималарга қодир эканлигимизни биламиз ва бугун буни амалдаги кўрсата олдик, деб ўйлайман.
Жамоамизда менга айниқса ёқадиган бир жиҳат — бу меҳнаткашлик. Майдонга ким тушишининг аҳамияти йўқ — қанчалик шиддат билан ўйнаётганимизга қараб, ким эканлигимиз ва нима учун курашаётганимиз дарҳол кўринади. Биз ҳар доим бор кучимизни ишга соламиз.
Клубнинг амбициялари жуда юқори — айнан шунинг учун бу ерга келганман. Ҳозир орзуларимизни рўёбга чиқаряпмиз. Ажойиб кеча! Жамоамизга ишонаман, қўлимиздан кўп нарса келишини биламан ва бугун ажойиб ўйинда, буни исботлай олдик. «Милан»да ажойиб футболчилар ва мураббий бор, аммо биз нима қилиш кераклигини билар эдик ва охиригача ишондик», — дея Клюйверт сўзларини келтиради УЕФА расмий сайти.
