«Интер Майами»нинг аргентиналик ҳужумчиси Лионел Месси келажак авлодлар учун қандай эсда қолишни исташи ҳақидаги саволга жавоб берди. Мессига энг катта шуҳратни Каталониянинг «Барселона» жамоасидаги ўйинлари олиб келган, Испания клуби таркибида Лео УЕФА Чемпионлар Лигаси ва Испания Ла Лигасида ғолиб чиқди. Аргентина миллий жамоаси билан эса футболчи жаҳон чемпионати ғолибига айланган.
«Мени қандай эслаб қолишларини истардим? Ҳар доим ўз мақсадларига эришиш ва орзуларини рўёбга чиқариш учун курашган буюк спортчи сифатида. Баъзида мен хоҳлаган нарсамга эришдим, баъзида эса эриша олмадим, лекин ҳеч қачон олдимда турган ҳамма нарсани ютишга ҳаракат қилишдан тўхтамадим», - дея Мессининг сўзларидан иқтибос келтиради All About Argentina ўзининг Х ижтимоий тармоғидаги саҳифаси орқали.
