Германия миллий жамоаси бош мураббийи Юрген Клопп миллий жамоа чиройли футбол кўрсатишни бошлашини маълум қилди. Аввалроқ немислар Миллатлар лигаси гуруҳ босқичининг дастлабки турларида Нидерландия миллий жамоаси билан дуранг ўйнаган (1:1) ва Грецияга (0:1) имкониятни бой бериб қўйган эди.
Маълумот учун, мундиалдаги омадсизликдан кейин Германия миллий жамоаси Нагелсманн билан хайрлашган эди. Кейинроқ жамоа бошқарувига Юрген Клопп таклиф қилинганди.
«Ачинаманми? Мен дунёдаги энг яхши ишдан икки йил олдин («Ливерпул»дан) кетганман. — таҳририят изоҳи), чунки ишлашга иштиёқим қолмаган эди. Энди яна кучга тўлиб қайтдим. Агар одамлар 90 дақиқада мўъжизани кутишган бўлса, кутишда давом этишсин. Биз чиройли бўлишдан олдин хунук кўринамиз. Ҳар бир яхши ҳикоя айнан шундай бошланади», - дея Клоппнинг сўзларидан иқтибос келтиради ESPN ўзининг Х ижтимоий тармоғидаги саҳифасида.
Мухлислар бу янгиликни Telegram’да муҳокама қилмоқда
Изоҳлар Telegram’да очилади