Испания миллий жамоаси Жаҳон чемпионати гуруҳ босқичининг 3-турида Уругвайга қарши ўйинда (1:0) жароҳат олган Ереми Пино ва Нико Уилямснинг тиббий кўрик натижаларини олди.
Испания Қироллик футбол федерациясининг хабар беришича, Пинонинг ўмров суяги синиши тасдиқланмаган. Қанот ҳужумчисида елка бўғими бойламларининг шикастланиши аниқланган.
Ўз навбатида, яна бир вингер Нико Уилямсда рақиб билан қаттиқ тўқнашувдан натижасида ўнг соннинг яқинлаштирувчи мушаги шикастлангани аниқланди.
Федерациянинг қайд этишича, иккала жароҳат ҳам ўртача оғирликда. Футболчилар Испания миллий жамоаси ихтиёрида қолади ва уларнинг кейинги ўйинларда иштирок этиши ҳақидаги қарор тикланиш суръатларига қараб қабул қилинади.
