Испания миллий жамоаси жаҳон чемпионатларидаги 4 баҳсдан иборат ғалабасиз сериясини якунлади.
ЖЧ–2026 гуруҳ босқичи 2-турида Луис де ла Фуенте шогирдлари Саудия Арабистонини 4:0 ҳисобида таслим этди. Шу тариқа испанлар мундиалдаги сўнгги 5 баҳсда илк ғалабасини қўлга киритди.
Эслатиб ўтамиз, Испания ушбу турнирнинг 1-турида Кабо-Верде билан голсиз дуранг ўйнаганди. Бундан аввал эса ЖЧ–2022 доирасида Германия билан 1:1 ҳисобини қайд этган, Японияга 1:2 ҳисобида имкониятни бой берган ва нимчоракфиналда Марокашга пеналтилар сериясида мағлуб бўлганди (асосий вақт — 0:0, пеналтилар — 0:3).
Маълумот учун, Испания миллий жамоаси гуруҳ босқичидаги навбатдаги баҳсини 27 июн куни Уругвайга қарши ўтказади.
