«Манчестер Юнайтед» раҳбарияти ёзги трансфер ойнасида ҳужумчи Бенямин Шешкони сотмасликка қарор қилди.
ТEАМtalk хабарига кўра, манкунианликлар 23 ёшли футболчи бўйича келиши мумкин бўлган таклифларни кўриб чиқишни ҳам режалаштирмаяпти.
Шешкога Испаниянинг «Барселона» ва Мадриднинг «Атлетико» клублари қизиқиш билдирган. Бироқ «қизил иблислар» футболчини жамоанинг келажакдаги асосий етакчиларидан бири сифатида кўрмоқда.
Манба маълумотига кўра, бош мураббий Майкл Кэррик словениялик форвардга катта ишонч билдирмоқда ва уни «Олд Траффорд»даги узоқ муддатли лойиҳа марказидаги футболчилардан бири деб ҳисоблайди.
Шу сабабли клуб Шешко трансфери бўйича музокаралар олиб бормайди ва футболчини сотиш вариантини бутунлай рад этган.
