«Ювентус» вингери Кенан Йилдиз «Реал» қизиқишлари доирасига тушди. Бу ҳақда Fichajes нашри хабар берди.
Туркиялик футболчини шахсан мадридликлар раҳбари Флорентино Переснинг ўзи кузатмоқда. Бироқ у «Ювентус» ўз етакчисини ҳеч қандай ҳолатда сотмаслигини яхши тушунади.
Турин клуби Йилдизни жамоа келажаги сифатида кўрмоқда. Шу сабабли унга ишонч белгиси сифатида 10-рақам топширилган.
Маълумот ўрнида, Кенан 2022 йилда «Бавария»дан эркин агент сифатида «Ювентус»га ўтган. Унинг шартномаси 2030 йил 30 июнгача амал қилади.
Ушбу мавсум футболчи туринликлар сафида барча мусобақаларда 44 та ўйинда иштирок этиб, 11 гол урди ва 10 ассист амалга оширди. Аввалроқ «Ювентус» Йилдиз билан шартномани узайтиргани маълум қилинганди.
