«Севиля» клуби «Хетафе» ҳимоячиси Хуан Иглесиас билан келишувга эришди. Бу ҳақда андалусияликлар матбуот хизмати хабар берди.
Иглесиас июн ойи охирида «Хетафе» билан шартномаси якунлангач, «Севиля»га ўтади. 27 ёшли футболчи янги жамоаси билан 2030 йилга қадар битим имзолайди.
Transfermarkt порталига кўра, Иглесиаснинг бозор қиймати 5 миллион еврони ташкил этади.
Иглесиас 2021 йилдан буён «Хетафе»да ўйнаб келаётганди. Беш йил ичида у 175 та ўйин ўтказиб, иккита гол урди ва тўққизта голли узатмани амалга оширди.
