«Вулверҳэмптон» ҳужумчи Раул Хименесни ортга қайтариш устида иш олиб бормоқда. Бу ҳақда инсайдер Фабрицио Романо хабар берди.
Манбага кўра, клуб вакиллари айни пайтда мексикалик футболчининг агентлари билан музокаралар ўтказмоқда. Музокаралар Мексикада давом этмоқда.
Аввалроқ «Вулверҳэмптон» тажрибали ҳимоячи Кирен Триппиер трансферини якунлагани ҳақида хабарлар тарқалган эди. Эндиликда клуб таркибни яна бир тажрибали футболчи билан кучайтиришни режалаштирмоқда.
Эслатиб ўтамиз, Раул Хименес 2018–2023 йиллар давомида «Вулверҳэмптон» сафида тўп тепган ва мухлисларнинг севимли футболчиларидан бирига айланганди.
Маълумот учун, мексикалик ҳужумчи «бўрилар» сафида 160 дан ортиқ баҳсда майдонга тушиб, 50 дан зиёд гол урган.
