«Aн Наср» ҳужумчиси ва Португалия миллий жамоаси вингери Жоао Феликс Саудия Пролигаси 2025/2026 йилги мавсумининг энг яхши футболчиси деб топилди. Бу ҳақда чемпионатнинг X (Twitter) ижтимоий тармоғидаги расмий саҳифаси хабар берди.
Бу мавсумда Феликс чемпионат доирасида 33 та ўйинда иштирок этиб, 20 та гол урди ва 10 та голли узатма берди.
Феликс соврин учун курашда Криштиану Роналду («Aн Наср»), Рубен Невеш («Ал Ҳилол»), Айвен Тоуни («Ал Аҳли») ва Хулиан Андрес Кинонесни («Ал Қодисия») ортда қолдирди.
Мавсум якунига кўра, «Ан Наср» 86 очко жамғариб, чемпионликни қўлга киритди. Иккинчи ўринни 84 очко билан «Ал Ҳилол» эгаллади. Кучли учликни эса 81 очко билан «Ал Аҳли» якунлади.
