UFC жангчиси Мераб Двалишвили ташкилот чемпионлик камарининг асл нусхаси қанча туришини маълум қилди.
«Ҳар сафар ғалаба қозонганингда, сенга чемпионлик камарининг нусхасини беришади. Сенда фақат битта асл камар бўлиши мумкин, кейинги ғалабалардан сўнг эса унинг нусхалари тақдим этилади.
Октагонда сенга ҳақиқий чемпионлик камарини топширишади, аммо кейинчалик уни алмаштиришади. Асл чемпионлик камарининг нархи 325 минг доллар туради», — деди Двалишвили.
Шу тариқа, грузиялик жангчининг таъкидлашича, UFC чемпиони ҳар бир ғалабасидан кейин янги асл камарга эга бўлмайди. Октагонда тақдим этиладиган ҳақиқий камар кейинчалик нусхаси билан алмаштирилади ва спортчида фақат битта оригинал чемпионлик камари қолади.
Маълумот ўрнида, Двалишвили навбатдаги жангини 24 октябр куни ўтказади. У Абу-Дабида ташкил этиладиган UFC 333 турнирида Пётр Янга қарши октагонга кўтарилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади