Украина миллий жамоаси ва «Рома» ҳужумчиси Артём Довбик «Болоня»га кўчиб ўтиши олдидан тиббий кўрикдан ўтди. Бу ҳақда Calcio Bologna хабар берди.
«Болоня» раҳбарияти Довбикнинг чап сонидаги операциясидан кейин тўлиқ тикланганига ишонч ҳосил қилмоқчи. Бунгача ҳужумчининг янги жамоаси сафига ижара асосида қўшилиши маълум қилинганди.
Қайд этиш лозим, форвардга «Фиорентина» ва «Женоа» клублари ҳам қизиқиш билдирган. Якунланган А Серия мавсумида эса Довбик «Рома» сафида 14 та учрашувда иштирок этиб, 3 та гол урди ва 1 марта ассист амалга оширди.
