UFC Шон-шуҳрат зали аъзоси, энг енгил вазнда UFC ва ONE Championship собиқ чемпиони Деметриус Жонсон ташкилотнинг жангчиларга муносабатини кескин танқид қилди.
«Дана Уайт аввал лигада энг кучлилар бўлиши кераклигини айтган. Энди эса уларни томошабоп эмас деяпти.
Агар жангчи ғалаба қозонишда давом этса, у лигада қолиши керак. Лекин UFC сен фойда келтирмасанг, ғалаба қилаётган бўлсанг ҳам сендан воз кечиши мумкин.
Улар иккиюзламачи: бир нарсани айтиб, бутунлай тескарисини қилишади. Мен UFC сотаётган маҳсулоти ҳақида очиқ ва ҳалол гапиришини истайман.
Энг кучли спортчиларни қўйиб юбормоқчи бўлсангиз, таркибингизда энг яхшилар бўлишини ваъда қилманг.
Спортда ғалаба қилаётган жангчи кўпроқ ҳақ олиши ва лигада қолиш имкониятига эга бўлиши керак», — дея Жонсоннинг сўзларини келтиради MMAJunkie.
Аввалроқ Нурсултон Рўзибоевни мағлуб этган Пейж UFC рейтингларидан чиқарилгани маълум қилинганди.
