«Комо» ва Деле Алли ўзаро келишув асосида шартномани бекор қилди.
BBC хабар беришича, футболчи ва клуб бу борада анча олдин битимни бекор қилишга келишиб олганди.
У 2025 йилнинг январида «Комо»га келиб қўшилганди. Бу вақт давомида бир ўйинда майдонга тушди.
Янги мавсумда у клуб сафида умуман қайдномага киритилмади.
Шу тариқа, 29 ёшли ярим ҳимоячи эркин агентга айланади. Аввалроқ, Алли 2024 йилнинг июлидан 2025 йил январга қадар «Эвертон»дан кетганидан кейин беш ойдан ортиқ вақт клубсиз қолганди.
Аввалроқ Жейми Варди «Кремонезе» билан шартнома имзолагани хабар қилинганди.
