Делап «Ноттингҳэм Форест»га ўтишга яқин

Лиам Делап катта эҳтимол билан фаолиятини «Ноттингҳэм Форест»да давом эттиради.

Журналистлар Флориан Плеттенберг ва Бен Жейкобснинг хабар беришича, «ўрмончилар» 23 ёшли ҳужумчининг трансфери борасида «Челси» билан келишувга эришиш арафасида.

Клублар ўртасидаги музокаралар илғор босқичда. «Ноттингҳэм» футболчининг шахсий шартнома шартларидан хабардор ва уларни келишишда ҳеч қандай муаммо бўлишини кутмаяпти.

Делапнинг ўзи эса янги жамоаси учун тиббий кўрикдан ўтишга аллақачон тайёр.

Лиам ўтган ёзда «Ипсвич»дан 30 миллион фунт эвазига «Челси»га ўтганди. У АПЛнинг аввалги мавсумида 28 та баҳсда майдонга тушиб, атиги 1 та гол урди. Ҳужумчи ҳар бир ўйинда ўртача 39 дақиқа майдонда ҳаракат қилди.