Это'О: «Инфантино футболни ўзгартирди. У Африка қитъасига ҳам ёрдам берди»

Камерун футбол федерацияси президенти Самюэл Это′О FIFA раҳбари Жанни Инфантинони ҳимоя қилди.

Эслатиб ўтамиз, июл ойи охирида FIFA Жаҳон чемпионати трансляция ва тижорий ҳуқуқларини сотиш учун FIFA Forward Enterprise (FFE) номли янги тижорий тузилма ташкил этиш режасини маълум қилганди. Кейинчалик футбол конфедерациялари томонидан билдирилган танқидлар ва UEFA'га аъзо давлатларнинг Жаҳон чемпионатини бойкот қилиш таҳдиди ортидан Инфантино бу ғоядан воз кечишга қарор қилди.

Шундан сўнг бир қатор футбол федерациялари бўлажак сайловларда Инфантино номзодини қўллаб-қувватлашдан бош тортди.

«Менимча, президентм Жанни Инфантино ҳеч қандай нотўғри иш қилмаган. Менимча, бунинг учун айнан ҳозирги вақт танланганининг сабаби —Инфантино иштирокМ этадиган сайловлар яқинлашаётганидир. Буларнинг барчаси сайловлар яқинлашаётгани учун содир бўлди, холос.

Президент футболни ўзгартирди. У илгари бундай имкониятга эга бўлмаган мамлакатларга энг буюк мусобақа — футбол бўйича Жаҳон чемпионатида иштирок этиш имконини берди. У кичик мамлакатларга ушбу мусобақага йўлланма олишда ёрдам берди.

У бизнинг қитъамизга ҳам ёрдам берди. Уа федерацияларимизга анча тезроқ ривожланиш имконини яратди ва биз буни тан олишимиз керак. У қилган ишларини қабул қилишимиз ва эътироф этишимиз, қилган барча ишлари учун уни қўллаб-қувватлашимиз керак», — деди Это′О.