Деку: «Родри трансфери мантиқли. Уни шунчаки «Реал»дан олиб қўйиш учун сотиб олганимиз йўқ»

«Барселона» спорт директори Деку Родрининг жамоага қўшилиши ҳақида фикр билдирди.

Испаниялик яримҳимоячи «Манчестер Сити»дан бонусларни ҳисобга олган ҳолда 76,5 млн евро эвазига трансфер қилинди. Унга «Реал» ҳам қизиқиш билдирганди.

«Биз амалга оширадиган ҳар бир трансфернинг муайян мақсади бор. Бирор футболчини сотиб олишдан олдин бу масалани синчиклаб муҳокама қиламиз ва шундан кейингина қарор қабул қиламиз.

Аввалига Родри режаларимизда йўқ эди, чунки уни қўлга киритишнинг иложи йўқ, деб ўйлагандик. Имконият пайдо бўлганида эса ундан фойдаландик ва Гордон, Адейеми, Бисиву ҳамда Канселу билан бўлгани каби муваффақиятга эришдик. Ҳар бир трансфернинг мақсади — жамоани кучайтириш. Родри эса жамоамизни кучайтиради.

Биз уни шунчаки «Реал»дан олиб қўйиш учун трансфер қилмадик. Бундай фикр хато бўларди. У — дунёдаги энг яхши яримҳимоячилардан бири. У жамоага катта ҳисса қўша олишига ишонамиз ва айнан шунинг учун бу трансферни амалга ошириш мантиқли эди», — деди Деку TV3 эфирида.