Аргентина миллий жамоаси яримҳимоячиси Родриго Де Паул жаҳон чемпионати-2026 финалидан кейин ҳис-туйғуларини акс эттирувчи пост қолдирди.
Эслатиб ўтамиз, мундиал финалида аргентиналиклар Испанияга 0:1 ҳисобида имкониятни бой беришди.
«Энг оғриқлиси шундаки, биз жаҳон чемпионати кубогини яна мамлакатимизга олиб келолмадик, чунки агар кимдир бу ҳисларни яна бир бор туйишга лойиқ бўлса, у сизлар эдингиз.
Аммо бир неча соат ўтгач, биз сизнинг миллий жамоа билан алоқангиз чегаралари кубокникидан бошқа даражада эканлигини тушуна бошлаймиз ва мен бу каби қийин паллаларда айнан шундан нажот топяпман.
Бугун кўриб турибманки, кўпчилик бизнинг мағлубиятимизни кутиб юрган, фақат аргентиналиклар бошдан кечирадиганларини ҳис қилолмаганликлари аламини қисман камайтириш мақсадида жаҳон чемпионати давомида асоссиз фитналар тарқатганлар кўпчиликни ташкил қилмоқда. Чунки бизнинг табассумларимиз уларни безовта қилади, чунки бизнинг қандай эканлигимиз уларни безовта қилади. Бироқ биз қилган ҳамма нарса, бу миллий жамоамиз либосига бўлган ишқ ва муҳаббат ҳар нарсани енгишини тасдиқлади.
Бу ҳали узоқ вақт оғриқ беришда давом этади, аммо бугун, ҳар қачонгидан ҳам кўра, мен аргентиналик эканлигимдан фахрланаман», — деб ёзди Де Паул ижтимоий тармоқдаги саҳифасида.
Маълумот учун, «Интер Майами» клуби шарафини ҳимоя қилаётган Родриго Де Паул миллий жамоа сафида мундиалнинг 7 та ўйинида майдонга тушиб, 1 та самарали узатмани амалга оширди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади