«Наполи» яримҳимоячиси Кевин Де Брюйне билан шартномани узайтириш бўйича музокаралар ижобий тус олмаяпти. Бу ҳақда инсайдер Николо Скира хабар берди.
Манбага кўра, томонлар ўртасидаги музокаралар боши берк кўчага кириб қолган. Катта эҳтимол билан у мавсум якунига етганидан сўнг Неапол клубини тарк этиши мумкин.
Белгиялик 35 ёшли футболчининг жамоа билан амалдаги шартномаси 2027 йилнинг ёзида ниҳоясига етади. Кевин фаолияти давомида «Волфсбург», «Челси», «Манчестер Сити» жамоаларида ўйнаган.
Агар клуб ва футболчи ўзаро келиша олмаса, унга МЛС ва Саудия Арабистони жамоалари қизиқиш билдирмоқда. «Интер Майами» Де Брюйне билан ҳамкорликни давом эттириш таклифини бермоқда.
Кевин бу мавсумда 6 та учрашувда майдонга тушиб, 1 та гол урди ва 1 та голли узатмани амалга оширди.
Аввалроқ Де Брюйне «Наполи»ни тарк этиш ҳақида ўйламагани ҳақида айтганди.
