«Барселона» яримҳимоячиси Френки де Йонг фаолиятини Лондоннинг «Челси» клубида давом эттириши мумкин. Football Insider хабарига кўра, «кўклар» нидерландиялик футболчини «Манчестер Сити»га ўтган Энцо Фернандеснинг ўрнига номзод сифатида кўриб чиқмоқда.
Манба маълумотларига кўра, «Барселона» 29 ёшли футболчисини 59 миллион евродан ортиқ суммага баҳоламоқда. Бироқ каталонияликлар яримҳимоячини сотишга интилмаяпти.
Де Йонг 2026 йилги жаҳон чемпионатида олган жароҳатидан тикланишда давом этаётгани сабабли янги мавсумда ҳали майдонга тушмади.
Маълумот учун, футболчининг «Барселона» билан амалдаги шартномаси 2029 йилнинг ўрталаригача мўлжалланган.
