Бугун, 9 май куни 2027 йил Саудия Арабистони мезбонлик қиладиган миллий жамоалар ўртасидаги Осиё кубоги мусобақасига қуръа ташлаш маросими бўлиб ўтади. Тадбир Ар-Риёд шаҳрида Тошкент вақти билан соат 23:00 да старт олади.
Маълумот учун, Фабио Каннаваро бош мураббийлигидаги Ўзбекистон миллий жамоаси қуръада 1-саватчадан ўрин олган. Мусобақа 2027 йилнинг 7 январ санасидан 5 феврал кунига қадар бўлиб ўтади. Унда 24 та жамоа 6 гуруҳга бўлинган ҳолда қитъа чемпионлиги учун кураш олиб боради.
Аввалроқ ушбу тадбир 11 апрел куни Ар-Риёдда ўтказилиши режалаштирилганди.
