Бразилия футбол конфедерацияси Неймарнинг жисмоний ҳолати юзасидан расмий маълумот берди.
Қайд этилишича, футболчи душанба куни МRТ текширувидан ўтган ва натижалар даволаниш жараёни кутилганидек кечаётганини кўрсатган.
«Неймар душанба куни МRТ текширувидан ўтди. Таҳлиллар унинг тикланиш жараёни ижобий кечаётганини ва барчаси кутилган параметрлар доирасида эканини тасдиқлади», — дейилади конфедерация баёнотида.
Шунингдек, футболчи тиббий комиссия томонидан ишлаб чиқилган режа асосида тикланиш машғулотларини давом эттириши маълум қилинди.
Эслатиб ўтамиз, Неймар Бразилия миллий жамоасининг 2026 йилги Жаҳон чемпионати учун қайдномасидан жой олган эди. Бироқ жароҳат сабаб унинг турнирда иштирок этиш ёки этмаслиги сўроқ остида қолаётганди.
