Жазоирлик яримҳимоячи Исмаел Беннасер «Ал Ғарафа» футболчисига айланди. Қатар клубининг расмий маълумотига кўра, томонлар келишувга эришган.
Беннасер янги жамоасига эркин агент сифатида қўшилди. Шартноманинг муддати ва бошқа тафсилотлари ҳозирча маълум қилинмаган.
Эслатиб ўтамиз, 28 ёшли футболчи «Милан» сафида 2022 йилда Италия чемпионига айланган. Беннасер «россонери» сафида беш йил тўп тепди.
