«Барселона» — Ла Лига чемпионлиги учун асосий даъвогар (Opta)

Opta портали Испания чемпионатининг янги мавсуми олдидан жамоаларнинг чемпионлик имкониятларини баҳолади.

Унга кўра, амалдаги чемпион «Барселона»нинг яна бир бор чемпион бўлиш эҳтимоли 45,2 фоизни ташкил этмоқда. «Реал»нинг имконияти 32,3 фоиз, «Атлетико» эса 8,4 фоиз кўрсаткич билан учинчи ўринда бормоқда.

Эслатиб ўтамиз, ўтган мавсумда Каталония клуби 94 очко билан Ла Лигада чемпионликни қўлга киритган эди. «Реал» эса 86 очко билан иккинчи поғонни эгаллаганди.

Маълумот учун, Ла Лигада янги мавсум 15 август куни старт олади. Илк турда «Барселона» ўз майдонида «Атлетик»ни қабул қилади, «Реал» эса «Реал Сосиедад»га қарши баҳс олиб боради.