Каталониянинг «Барселона» клуби футболчиси Ҳерард Мартин жамоадан полшалик форвард Роберт Левандовскининг кетгани ҳақида фикрларини билдириб ўтди. Ҳужумчи фаолиятини МЛСда давом эттирадиган бўлди.
«Левандовскининг кетиши – оғир зарба. У жуда тажрибали футболчи. Роберт жамоага келганида жамоа оғир кунларни бошдан кечираётган эди. Бу ерда ўтказган даврида Левадовски клубга жуда кўп нарса бера олди. Уни соғинаман», - дея ҳимоячи сўзларидан иқтибос келтирди Mundo Deportivo.
Аввалроқ полшалик голеадор эркин агент сифатида «Чикаго Файр» сафига бориб қўшилиши маълум бўлганди.
Ла Лига ўтган мавсумида 37 ёшли Роберт 31 ўйинда 14 та гол уриб, 2 та голли узатма етказиб берди.
