«Порту» ўнг қанот ҳимоячиси Алберто Кошта Англия Премер-лигасининг топ-клублари қизиқиш доирасига тушди. Бу ҳақда журналист Экрем Конур ижтимоий тармоқларда хабар берди.
22 ёшли португалиялик футболчининг ўйинларини Лондоннинг «Арсенал» ва «Манчестер Юнайтед» клублари кузатмоқда. Кошта учун эҳтимолий трансфер инглиз клубларига 65 млн еврога тушиши мумкин. Ушбу сумма футболчининг «Порту» билан шартномасида товон пули сифатида кўрсатилган.
Маълумот учун, Алберто Кошта 2025 йил ёзидан буён «Порту» сафида тўп тепмоқда. Ҳимоячининг Португалия клуби билан амалдаги шартномаси 2030 йил июн ойи охиригача мўлжалланган.
Тransfermarkt маълумотларига кўра, 22 ёшли футболчининг трансфер қиймати 18 млн еврога баҳоланмоқда. Футболчининг шартномасидаги товон пули 65 млн еврони ташкил этади.
