«Брюгге» чап қанот ҳимоячиси Хоакин Сейс «Манчестер Юнайтед» учун таркибни кучайтириш вариантига айланди. Бу ҳақда журналист Экрем Конур хабар берди.
Манба маълумотига кўра, «Манчестер Юнайтед»нинг устувор трансфер мақсади бўлган Натаниел Браун ёзда «Бавария»га ўтган. Клуб шунингдек, Люис Холлни ҳам кўриб чиққан, бироқ футболчи «Нюкасл» билан янги шартнома имзолаган.
Шундан сўнг «МЮ» Сейс номзодига эътибор қаратган. 21 ёшли ҳимоячи ушбу мавсумда барча мусобақалар доирасида тўққизта баҳсда майдонга тушиб, тўртта голли узатмани амалга оширди.
Эслатиб ўтамиз, Хоакин Сейс 2024 йилдан буён «Брюгге» сафида тўп тепмоқда.
Маълумот учун, футболчининг Белгия клуби билан амалдаги шартномаси 2029 йилгача мўлжалланган. Тransfermarkt Сейснинг трансфер қийматини 20 млн еврога баҳоламоқда.
