Лондоннинг «Арсенал» клуби жамоа бош мураббийи Микел Артета билан янги шартнома имзолашга яқин турибди. Бу ҳақда BBC хабар берди.
Манбанинг маълумотларига кўра, клуб ва испаниялик мутахассис ўртасидаги музокаралар ижобий руҳда давом этмоқда, томонлар ҳамкорликни давом эттиришни кўзлаган.
Клуб Артетанинг маошини сезиларли равишда оширишга қарор қилган — ҳозир Микел йилига 10 млн £ (11,6 млн €) ва ЕЧЛ йўлланмаси қўлга киритилгани учун бонуслар кўринишида 5 млн £ (5,8 млн €) ишлаб топади. Янги битим имзолангач, Артета дунёнинг энг кўп маош олувчи мураббийларидан бирига айланади.
Маълумот учун, Артета 2019 йилдан буён «Арсенал»ни бошқариб келмоқда. Ўтган мавсум жамоа узоқ кутилган Англия чемпионлигини қўлга киритди. Шунингдек, лондонликлар УЕФА Чемпионлар Лигаси финалида Франциянинг «ПСЖ» жамоасига ютқазиб қўйди.
