Самарқанднинг янги хусусий клуби «Азур» 2026 йилги мавсумдан бошлаб Биринчи лига баҳсларида иштирок этадиган бўлди.
Клуб раҳбарияти қарорига кўра, ўзбек футболи афсоналаридан бири Андрей Пятницкий «Азур» жамоаси бош мураббийи этиб тайинланди. Ўтган йиллар давомида «Динамо» мураббийлар штаби ва ўринбосарлар жамоасини бошқарган Пятницкий 2025 йил якунида клуб билан хайрлашганди. «Азур» клуби Андрей Владимирович билан келишувга эришилганини маълум қилди ва энди тажрибали мутахассис Самарқанд клубини бошқаради.
Маълумот учун, «Азур» клуби Самарқандда футбол мактабига эга бўлиб, хусусий тадбиркорлар томонидан молиялаштирилади.
Эслатиб ўтамиз, Пятницкий 90-йилларда «Пахтакор»даги фаолияти билан танилиб, сўнг Россиянинг «Спартак» клуби сафида муваффақиятли фаолият олиб борганди. У 1994 йилги Жаҳон чемпионатида Россия миллий жамоаси сафида тўп суриб, Бразилияга қарши ўйинда майдонга тушганди.
