Бразилия миллий жамоаси бош мураббийи, аввал Мадриднинг «Реал» клубини бошқарган Карло Анчелотти жамоа машғулотига ташриф буюрди. Бу ҳақда «қироллик клуби»нинг расмий сайти хабар берди.
«Карло Анчелотти яна Мадридда! «Реал»нинг собиқ мураббийи ва Бразилия миллий жамоасининг амалдаги бош мураббийи Вальдебебасга келиб, машғулот олдидан Жозе Моуринио ва футболчилар билан саломлашди», — дейилади клуб хабарида.
Эслатиб ўтамиз, 2026 йил июн ойида «Реал»ни 63 ёшли португалиялик мутахассис Жозе Моуринио бошқара бошлади. У аввал 2010–2013 йилларда Мадрид клубида ишлаган. Жозе «Реал» билан Испания чемпионлиги (2011/12), мамлакат кубоги (2010/11) ва Суперкубокни (2012) қўлга киритган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади