Алексис Санчес фаолиятини MLSда давом эттиради (Романо)

Таниқли чилилик футболчи Алексис Санчес фаолиятини MLSда давом эттиради. Бу ҳақда журналист Фабрицио Романо хабар берди.

37 ёшли ҳужумчи «Монреал» билан келишувга эришди. Футболчи Канада клубига эркин агент сифатида қўшилади, шартнома эса икки йилга мўлжалланган.

Бунгача Алексис Испаниянинг «Севиля» клубида тўп тепди ва жамоада бир мавсум ўтказди. Ҳужумчи «Удинезе», «Барселона», «Арсенал», «Манчестер Юнайтед», «Интер» ва «Марсел» клубларидаги ўйинлари билан машҳур.

Маълумот ўрнида, «Монреал» MLS Шарқий конференцияси турнир жадвалида 18 та турдан кейин 16 очко билан 14-ўринда бормоқда. Аввалроқ Санчес фаолиятини Бразилияда давом эттириши мумкинлиги маълум қилинганди.