«Барселона»нинг собиқ футболчиси Жорди Алба 2026 йилги «Олтин тўп» мукофоти учун ўз танловини билдирди. Испаниялик футболчи АS нашрига берган интервюсида Лионел Мессини қўллаб-қувватлашини айтди.
«Ким ғолиб бўлишини умуман билмайман. Бу сафар ноаниқлик жуда катта. Агар менинг фикрим қизиқ бўлса, Мессини танлайман. Лионел ажойиб мавсум ўтказди ва жаҳон чемпионатида ҳам зўр ўйнади.
Кўпчилик Ламин Ямал ва Килиан Мбаппе ҳақида гапирмоқда. 19 ёшида эришган барча ютуқларини ҳисобга олсак, мен Ламинни ҳам қўллаб-қувватлаган бўлардим», — деди Алба.
Маълумот учун, ўтган йилги «Олтин тўп» мукофотини франциялик вингер Усмон Дембеле қўлга киритган.
Эслатиб ўтамиз, 2026 йилги тақдирлаш маросими 26 октябр, душанба куни Лондонда бўлиб ўтади.
