«Manchester Yunayted»ning sobiq hujumchisi Xavier Ernandes yaqin kunlarda AQShning USL Chempionship ligasida ishtirok etuvchi yangi «Atletiko Dallas» klubi safiga qo'shiladi. Bu haqda insayder Fabrizio Romano xabar berdi.
Ma'lum qilinishicha, u bu klub tarixidagi ilk transferga aylanadi. «Atletiko Dallas» 2028 yildan boshlab ligada ishtirok etishni rejalashtirmoqda. Meksikalik futbolchi esa jamoa safida 2027 yildan maydonga tushadi, ammo hozirdanoq klubning rivojlanish jarayonida ishtirok etadi.
USL Chempionship AQShdagi kuch jihatidan ikkinchi divizion hisoblanadi va MLSdan keyin turadi.
