«Vasko da Gama» va «Santos» Braziliya A Seriyasining 22-turi doirasida o'zaro bahs olib bordi.
Eng ko'p muhokama qilingan voqea uchrashuv boshlanishidan oldin sodir bo'ldi. Maydon egalari sardori Tiago Mendes jamoalarning an'anaviy o'yinolti salomlashuvi vaqtida Neymar bilan qo'l berib ko'rishmadi.
«Santos» yulduzi esa uni e'tiborsiz qoldirgan raqibiga hayron qarab qoldi. Lekin u tezda o'zini qo'lga olib, yonida turgan hakamlar bilan qo'l berib ko'rishishni davom ettirdi.
Uchrashuv «Santos»ning yirik 3:0 hisobidagi g'alabasi bilan yakunlandi. Neymar bahsni to'liq o'tkazdi, ammo gol yoki assist qayd eta olmadi.
Ushbu g'alaba «qora-oqlar»ga xavfli zonadan chiqish imkonini berdi. Endi ular 25 ochko bilan 14-o'rinda bormoqda. «Vasko da Gama» esa 22 ochko bilan 19-o'rinni egallab turibdi.
Avvalroq Neymar yana Messi bilan bir jamoada to'p tepishi mumkinligi ma'lum qilingan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi