Dunyoning sobiq birinchi raketkasi Arina Sobolenko va reytingning yangi yetakchisi Yelena Ribakina (WTA) US Open-2026 final bahsida ro‘baro‘ keladi.
Ma’lumot uchun, «Katta dubulg‘a» turkumiga kiruvchi turnirlardan biri bo‘lgan aynan mana shu musobaqadan avval Sobolenko reytingda birinchi, Ribakina esa ikkinchi pog‘onani band etib turgan edi.
Yangi to‘qnashuvdan oldin ustunlik belarus vakilasi tomonda bo‘lib turibdi.
Sobolenko o‘zaro o‘yinlarning 17 tasidan 10 tasida zafar quchgan. E’tiborli jihati xard qoplamasida har ikki tennischi hisobida 7 tadan g‘alaba mavjud. Bu mavsum ushbu juftlik Australian Open-2026 finalida duch kelgan — o‘shanda omad Ribakinaga kulib boqqan edi (6:4, 4:6, 6:4). Undan keyin Sobolenko Indian-Uells va Mayamida bo‘lib o‘tgan WTA-1000 turkumiga kiruvchi musobaqalarda revansh olishni uddaladi.
US Open doirasida Belarus tennischisi va Qozog‘iston vakilasi ilk bor bahs olib boradi. Shuningdek, Sobolenko musobaqaning ikki karra amaldagi chempion hisoblanadi.
Eslatib o‘tamiz, final uchrashuvi shanba, 12 sentyabr kuni bo‘lib o‘tadi.
