«Real Sosedad» klubi «Manchester Yunayted»ning sobiq vingरी Jeydon Sancho'ni erkin agent sifatida o'z safiga qo'shib olish imkoniyatini ko'rib chiqmoqda. Bu haqda Fichajes nashri xabar berdi.
Manbaga ko'ra, basklar klubi uni jarohat olgan Ander Barrenecheaning o'rniga taklif qilishni rejalashtirmoqda. Hozirda Sancho erkin agent va istalgan jamoaga o'tishi mumkin.
Biroq hozircha tomonlar o'rtasida rasmiy muzokaralar boshlangani yo'q. Sanchoning La Liga klubiga o'tishiga uning yuqori moliyaviy talablari to'siq bo'lishi mumkin.
Avvalroq Jeydon «Xetafe» klubi bilan muzokara o'tkazgan. Biroq uning yuqori maoshi sabab bu transfer amalga oshmay qolgan edi. Shundan beri u o'ziga yangi jamoa izlamoqda.
Eslatib o'tamiz, Sancho faoliyati davomida «Borussiya D», «MYu», «Chelsi», «Aston Villa» va boshqa jamoalar sharafini himoya qilgan.
