«Real» hujumchisi Endrikka «Chelsi» va «Arsenal» qiziqish bildirmoqda. Bu haqida TEAMtalk xabar berdi.
Braziliyalik hujumchi qishdan beri «Lion»da ijarada o‘ynamoqda. Biroq «qaymoqranglilar» londonliklarga 19 yoshli futbolchini sotish variantini ko‘rib chiqmayotganini ma'lum qilgan.
Qayd etilishicha, «Real» kelasi mavsum uchun rejalarida Endrikka tayanadi va uning qaytishini kutmoqda. Shuningdek, hujumchi o‘zi ham Madridda qolib, asosiy tarkib uchun kurashishga qat'iy qaror qilgan.
«Lion» safida Endrik barcha musobaqalarda 18 ta o‘yinda 7 ta gol urdi. Uning «Real» bilan amaldagi shartnomasi 2030 yil yozigacha mo‘ljallangan.
Avvalroq Endrik «Lion»dagi jamoadoshlariga Play Station 5 sovg‘a qilgani ma'lum qilingan edi.
