«Sampdoriya» Lorenso Insinyening transferini rasman e'lon qildi.
35 yoshli futbolchi Genuya klubi bilan bir yilga mo'ljallangan shartnoma imzoladi. Kelishuvda yana bir mavsumga uzaytirish imkoniyati ham ko'zda tutilgan.
Yevro-2020 g'olibi bo'lgan Insinye yangi mavsumda «Sampdoriya»ga Italiya futbolining oliy divizioniga qaytish yo'lida yordam berishga harakat qiladi.
Eslatib o'tamiz, yangi mavsumdan Italiya B Seriyasi bahslari sentabr oyida start oladi. «Sampdoriya» o'tgan mavsumda ikkinchi diviziondagi o'rnini saqlab qolish uchun ham jiddiy kurash olib borgandi.
