O'zbekiston milliy jamoasi va «Paxtakor» futbolchisi Abdulla Abdullayev faoliyatini legioner sifatida davom ettirishi mumkinligi haqida xabar berilgan edi.
Bir necha kun avval «sherlar» lagerini tark etgan Abdullayev Birlashgan Arab Amirliklarining «Dibba Al Fujayra» klubi bilan shartnoma imzoladi. «Dibba» matbuoti o'zbek himoyachisining transferini rasman e'lon qildi.
O'zbekistonlik 28 yoshli himoyachi mavsumning birinchi yarmida 12 ta uchrashuvda maydonga tushdi va 2 marta hakam tomonidan ogohlantirildi.
