«Orol» yozgi transfer oynasidagi navbatdagi transferini amalga oshirdi. Klub rossiyalik futbolchi Yevgeniy Kozlov bilan shartnoma imzolaganini e’lon qildi.
Futbolchi yil boshidan buyon Qirg‘izistonning «Bishkek Siti» klubi sharafini himoya qilib kelayotgan edi. Endilikda u O‘zbekiston Pro-ligasida «Orol» safida to‘p tepadi.
Ma’lumot uchun, 29 yoshli Kozlov faoliyati davomida Rossiyaning «Vityaz», «Rubin», «Volga» va «Zenit-2» klublari, Latviyaning «Spartaks» va «Ventspils», Belarusning «Shaxtyor», Qozog‘istonning «Akjayik», «Qiziljar», «Atirau» va «Shaxtyor», shuningdek, Qirg‘izistonning «Abdish-Ata» hamda «Bishkek Siti» jamoalarida o‘ynagan.
