Saudiya Arabistoni futbol federatsiyasi vafot etgan portugaliyalik futbolchining familiyasi muxlislar tomonidan aytilganidan so‘ng «At-Taavun» klubiga nisbatan sanksiyalar qo‘lladi.
Jamoa muxlislari Saudiya Arabistoni chempionatining 7-turidan o‘rin olgan «Al Hilol»ga (0:6) qarshi uy o‘yinida Jotaning familiyasini aytib qichqirishdi. Bu orqali ular raqib jamoaning portugaliyalik yarim himoyachisi, Jotaga yaqin do‘st bo‘lgan Ruben Neveshni provokatsiya qilishga uringan. Bellashuv 12 sentyabr, shanba kuni bo‘lib o‘tgandi.
Mahalliy intizom qo‘mitasi klubga 100 000 rial (23 110 yevro) miqdorida jarima soldi. Shuningdek, «At-Taavun»ning keyingi ikki uy o‘yinini muxlislarsiz, ya’ni bo‘sh tribunalar oldida o‘tkazishga qaror qilindi.
