Саудия Арабистони футбол федерацияси вафот этган португалиялик футболчининг фамилияси мухлислар томонидан айтилганидан сўнг «Ат Таавун» клубига нисбатан санкциялар қўллади.
Жамоа мухлислари Саудия Арабистони чемпионатининг 7-туридан ўрин олган «Ал Ҳилол»га (0:6) қарши уй ўйинида Жотанинг фамилиясини айтиб қичқиришди. Бу орқали улар рақиб жамоанинг португалиялик яримҳимоячиси, Жотага яқин дўст бўлган Рубен Невешни провокация қилишга уринган. Беллашув 12 сентябр, шанба куни бўлиб ўтганди.
Маҳаллий интизом қўмитаси клубга 100 000 риал (23 110 евро) миқдорида жарима солди. Шунингдек, «Ат Таавун»нинг кейинги икки уй ўйинини мухлисларсиз, яъни бўш трибуналарда ўтказишга қарор қилинди.
