Germaniya milliy jamoasining sobiq bosh murabbiyi Yoaxim Lyov mamlakat futbolidagi muammolar Bundesligadan boshlanishiga ishonmoqda. Mutaxassis chempionatdagi aksariyat jamoalarning o‘yin uslubidan qoniqmayotganini bildirdi.
«Biz ijodkorlik va jasoratni rag‘batlantirishimiz, futbolchilardan ham shuni talab qilishimiz kerak. O‘yin sur’atini biz belgilashimiz lozim, raqib esa bizning uslubimizga moslashishi kerak, aksincha emas. Bundesligada ko‘plab jamoalarning raqib harakatlariga javob qaytarish asosida o‘ynayotganini ko‘ryapman. Bunday futbol menga yoqmaydi», — deya Lyovning so‘zlarini keltiradi derbyderbyderby.it.
Sobiq murabbiy fikricha, nemis futbolida jamoalar tashabbusni o‘z qo‘liga olishi, o‘yinni raqibga moslashish orqali emas, o‘z uslubi asosida qurishi kerak.
Ma’lumot uchun, Yoaxim Lyov 2006–2021 yillarda Germaniya milliy jamoasini boshqargan. Uning qo‘l ostida nemislar 2014 yilgi jahon chempionatida g‘olib chiqqan.
Eslatib o‘tamiz, «Bavariya» Germaniya chempionatining amaldagi chempioni hisoblanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi