"Komo" klubi "Vilyarreal" himoyachisi Villi Kambvala transferi bo'yicha og'zaki kelishuvga erishdi. Bu haqda insayder Fabrizio Romano xabar berdi.
Tomonlar dastlab futbolchini ijara asosida o'tkazishga kelishgan. Bitimda Kambvalani 10 million yevro evaziga sotib olish opsiyasi ham bo'ladi. Lekin majburiy sotib olish bandi kelishuvda bo'lmaydi.
O'z navbatida "Manchester Yunayted"ning sobiq himoyachisi Kambvala yangi jamoaga o'tishga rozilik bergan. Hozirda tomonlar kelishuvning so'nggi qismi bo'yicha muzokaralarni olib bormoqda.
Qayd etilishicha, agar transfer keyinchalik to'liq amalga oshsa, "qizil iblislar" ham moliyaviy manfaat ko'radi.
