«Bavariya» klubi yetakchisi Yozua Kimmix jamoadoshi Jamal Musialaning salomatligi borasida gapirdi.
Shanba kuni myunxenliklar Dortmundning «Borussiya»sini mag‘lubiyatga uchratib, Germaniya Superkubogini (2:1) qo‘lga kiritdi. Musiala o‘yinni o‘tkazib yubordi – futbolchi mavsumoldi nazorat o‘yinlarida ketma-ket ikki bor «Leypsig» va «Haydenhaym»ga qarshi bahslarda hushini yo‘qotdi.
«Bu g‘alaba Jamalniki ham. U tez orada safga qaytadi deb umid qilamiz. Musiala «Bavariya» va Germaniya uchun juda muhim futbolchilardan biri. U nimalarga qodir ekanligini yaxshi bilamiz va tezroq sog‘ayib, safga qaytishidan umidvormiz. Jamoadagi hamma uni qo‘llab-quvvatlaydi», – deya Kimmix so‘zlaridan iqtibos keltirdi Bayern & Germany.
Eslatib o‘tamiz, avvalroq, Jamal Musiala Bundesliga 1-turi doirasidagi «Shtutgart»ga qarshi o‘yin uchun qaydnomaga kiritilishi haqida xabarlar paydo bo‘lgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi