Fransiyalik tajribali hujumchi Olive Jiru futbolchilik faoliyatini yakunlash niyatida emas.
L’Equipe xabariga ko‘ra, 39 yoshli forvard «Lill» bilan yangi shartnoma borasida kelishuvga yaqin turibdi.
Manbada aytilishicha, tomonlar hamkorlikni keyingi mavsum oxirigacha uzaytiradi.
Yakunlangan mavsumda Jiru «Lill» safida barcha turnirlarda 44 ta bahsda maydonga tushdi. Tajribali hujumchi ushbu o‘yinlarda 11 ta gol urib, 1 ta assist qayd etdi.
Eslatib o‘tamiz, «Lill» Fransiya chempionatini 61 ochko bilan 3-o‘rinda yakunlagan. Natijada jamoa kelasi mavsum UEFA Chempionlar ligasi yo‘llanmasini qo‘lga kiritdi.
