Kataloniyaning «Barselona» klubi forvardi Gabriel Jezus jamoadoshi Lamin Yamalning o‘yini haqida fikrlari bilan o‘rtoqlashdi.
Braziliyalik Xans-Diter Flik jamoasiga 1 sentyabr sanasida transfer oynasining oxirgi kuni borib qo‘shildi.
«Men ko‘plab ajoyib futbolchilar bilan birga shug‘ullangan va bir maydonda o‘ynaganman. Shubhasiz, Yamal – mana shundaylardan biri. U uchun barchasi oson», – deya 29 yoshli forvard so‘zlaridan iqtibos keltirdi Barca Buzz.
Ma’lumot uchun, «Barselona»ga o‘tishdan avval Gabriel Jezus London «Arsenal» klubi sharafini himoya qilgan, ungacha esa «Manchester Siti» va «Palmeyras» jamoalarida to‘p tepgan. Chempionlar Ligasi doirasidagi «Feyenoord» bilan bahsda (5:1) braziliyalik futbolchi kataloniyaliklar safidagi ilk golini urishga muvaffaq bo‘ldi.
Telegram’da birinchi bo‘lib fikr bildiring
Muhokamaga o‘tishIzohlar Telegram’da ochiladi