Bu haqda jurnalist Horhe Pikon xabar berdi.
Manbaning xabar berishicha, hujumchi Endrik yozgi transfer oynasida «Liverpul»ga o‘tmaydi. Mersisayd klubida braziliyalik bo‘lmaydi. Hujumchi «Real»da qolishga qaror qilgan.
Ma’lumki, 2025/2026-yilgi mavsumning ikkinchi qismida Endrik ijara asosida «Lion»da to‘p tepdi. Braziliyalik futbolchi Fransiyaga o‘yin amaliyoti uchun borgan va undan ancha samarali tarzda foydalangan edi. Endi, aftidan, Endrik «Real»dagi o‘rni uchun kurashishga tayyor, ayniqsa, Madriddan Gonsalo Garsiya tark etayotgan bir holatda.
Transfermarkt portali 20 yoshli Endrikning aktual transfer narxini 40 million yevroga baholamoqda.
