Turinning «Yuventus» klubida ijara asosida o‘ynayotgan nemis hujumchisi Nik Voltemade Bundesligaga qaytishi mumkin.
Insayder Ekrem Konurning ijtimoiy tarmoqdagi sahifasi orqali xabar berishicha, 24 yoshli futbolchiga Myunxenning «Bavariya» klubi qiziqish bildirmoqda. Germaniya chempioni angliyalik Harri Keyn o‘rniga Voltemade nomzodini ko‘rib chiqmoqda.
Eslatib o‘tamiz, Nikning transfer huquqi Angliyaning «Nyukasl» klubiga tegishli. «Keksa sinora» futbolchini ushbu mavsum oxirigacha ijaraga olgan.
Ma’lumot uchun, Italiya chempionatining ushbu mavsumida germaniyalik hujumchi ikkita uchrashuvda maydonga tushib ulgurdi, ammo hozircha samarali harakatlar qayd etgani yo‘q.
