Туриннинг «Ювентус» клубида ижара асосида ўйнаётган немис ҳужумчиси Ник Волтемаде Бундеслигага қайтиши мумкин.
Инсайдер Экрем Конурнинг ижтимоий тармоқдаги саҳифаси орқали хабар беришича, 24 ёшли футболчига Мюнхеннинг «Бавария» клуби қизиқиш билдирмоқда. Германия чемпиони англиялик Ҳарри Кейн ўрнига Волтемаде номзодини кўриб чиқмоқда.
Эслатиб ўтамиз, Никнинг трансфер ҳуқуқи Англиянинг «Нюкасл» клубига тегишли. «Кекса синора» футболчини ушбу мавсум охиригача ижарага олган.
Маълумот учун, Италия чемпионатининг ушбу мавсумида германиялик ҳужумчи иккита учрашувда майдонга тушиб улгурди, аммо ҳозирча самарали ҳаракатлар қайд этгани йўқ.
